СЛОВИО ЗА КОМУНИКАЦИЈА

Преглед на претходна тема Преглед на наредна тема Go down

СЛОВИО ЗА КОМУНИКАЦИЈА

Пишување by Admin on Чет Јан 24 2013, 21:03

Меджусловјански је језик, котори Словјани из разних народов користајут аби комуниковати с собоју. То је можливо, ибо словјански језики сут односително свезана група језиков: знанје једного језика обично је достаточно, жебо имети сурову идеју, о чем је текст на каком-буд другом словјанском језику. Чрез веки, Словјани научили се договарати се с својими суседами посредством простих, импровизованих наречеј. Једночасно, подобност словјанских језиков надхала језиковедов и иних до творенја универсалного словјанского језика, разумливого длја всех Словјанов. Сред них находијут се славни црковнословјански језик из 9. столетја, как и многи ини пројекти од 16. столетја до днес, публиковани под назвами как «всесловјански», «меджусловјански», «новословјански», «обчесловјански» или просто «словјански», все основјени на тих самих предположенјах и чрез то близ идентични.
Днешнјего дна над меджусловјанским језиком работајут два сутруднични пројекти, Словјански и Новословиенскиј. Они делијут с собоју подобну, натуралистичну граматику, једин словник, обчу сполечность, разне места в сети и једин обчи цел: описати језик на самом средишчју живих словјанских језиков, котори все Словјани могут разумети без никакој науки и користати уж после минималној науки. Пројект Словјански почел своју дејателност в 2006 годе как инициатива груп лјуди из различних крајев, тому же мненјем многих луди потребни бил легки, натуралистични словјански меджујезик. О Новословиенском, базованом на староцрковнословјанском и изданом в 2010 годе, можете читати ту. Оба пројекти сут основјени изклучително на формах истнујучих на словјанској језичној области: все корени, кончини или морфологичне елементи можно најдти в разних или всех словјанских језиках.
За чо меджусловјански? Прво, таки језык може быти велика помоч длја путователев и користно орудје длја лјуди, котори би хотели осегнути цели словјански свет посредством вебсајтов, форов, списов е-мејлских и т.д. без потреби преводженја информацији на разне народне језики. На додаток, чловек знајучи меджусловјански може из текстов на котором-буд словјанским језику разумети вечеј неж једино основу. Наконец, меджусловјански је добра метода длја бистрејшеј, легчејшеј науки другого словјанского језика.
Очевидно, меджусловјански не је ни статичны језык ни затворени систем тврдхх правил, ибо служи разним целјам. Точни изглед текста је зависни од разних чинителјев: кто пише, до кого пише, каким средством и каким целјем. За то представјамо еластични состав слов, језичних инструментов и орудеј до изтворенја нових слов, котори је базовани консеквентно на прасловјанском језику и на множинствених развезанјах сред живих словјанских језиков. Различним користникам предлагамо три разне типи граматики: први експериментални и крајно упрошчени длја туристов, почеткујучих не-Словјанов и т.д. (Словианто), други основни, прости и регуларни длја меджусловјанских контактов, а третји на научном уравнју. Кроме основ словјанского језика, на тих страницах находите прикладне тексти, различне орудја, линки и ину информацију. В најблизкој будучости планујемо додати курс језика. Наконец, зовемо вас такоже посетити наш форум, наше интернетне новости и нашувики.
Желамо вам пријемного и, имајмо надеју, употребимого побитја!

Admin
Admin

Posts : 121
Join date : 2013-01-10

http://veternica.macedonianforum.net

Вратете се на почетокот Go down

Преглед на претходна тема Преглед на наредна тема Вратете се на почетокот


 
Permissions in this forum:
Не можете да одговарате на темите во форумот